2gether day oder Schoul eemol anescht. Eemol am Joer setzen d’Schülerinnen aus der Ecole privée Marie-Consolatrice sech zesumme fir iwwer bestëmmten Themen nozedenken. Duerch Rollespiller an Ateliere mierken d’Schülerinnen, wéi wichteg Toleranz an Integratioun an eisem Alldag sinn. En anere wichtege Punkt ass eng positiv Kommunikatioun. All dës Elementer ginn eis d’Méiglechkeet, e friddlechen Ëmgang am Alldag ze fërderen. Et war e flotten Dag, wou d’Schülerinne vill schéin Erfarunge gesammelt hunn, déi si an hiren Alldag integréiere kënnen.